जारिमिनारि खन्थाइ सम्बुधन कासारि बिथां रुपनाथ बसुमतारीया लिरनाय(Swmdwn jwhwlao)
सम्बुधन कासारि मुंनि खन्थाइया बिथां रुपनाथ बसुमतारीया लिरनाय दोंसे जारिमिनारि खन्थाइ ।
बे खन्थाइनि गेजेरजों सम्बुधन काचारीनि जोहोलाव आखुआ गुसुङैब्लाबो रोखायै बेरखांदों । मानोना बिथाङा सासे गोहो - बोलोगोरा गिनो रोङि जोहोलावमोन। बिनिखाय सोमदोन जोहोलाव, दावहा नांनाय आदब खायदायाव रावबो फेजेनफ्रामनो हायामोन एबा रावजोंबो फेलेंजायामोन बिनिखाय सोमदोन फंल'मुङै गाबज्रिनायमोन बेनि अनगायैबो गुबुन रावनि मुङावबो बिथांखौ मिथिनो मोनो।
सम्बुधन कासारि
(क) नोंनोथ' जोहोलाव आगोमा फिसा
बाउलुरि बर' बिमानि
आरो गोथार मुंख्लं
( भारत ) उदांश्री हांगामानि।
(ख) आंनि बिखा-बिख्लो
रिंग्लाबफैयो दाबो
माइबांनि न'खर नख'र
देरहासार मिनिग्लाबनायाव
अखा खोरोमनाया ।
(ग)गोहो हरदो जोहोलाव
थैस'-थांस' दाबावथोंसैं जों
बेबादि नोंनि देरगा थांखिनायखौ
गानजङाव नोंनि आगदा आखाइया
मेजर बयदनि थैजों दुगैनायखौ ।
(क) रिंग्लाबफैयो दाबो
माइबांनि न'खर न'खर
देरहासार मिनिग्लाबनायाव
अखा खोरोमनाया।
(ख) गोहो हरदो जोहोलाव
थैस'-थांस' दाबावथोंसै जों
बेबादि नोंनि देरगा थांखिखौ ।
थैस'-थांस' दाबावथोंसै जों
बेबादि नोंनि देरगा थांखिखौ ।
गानजङाव नोंनि आगदा आखाइया
मेजर बयदनि थैजों दुगैनायखौ ।
(ग) जेबो गैया जोंहा लाय-लथरानो
दं खालि गोसो बुंजासे
नोंखौ सिबिनायनि गेदेर हांमा
नाजावदो नों बेखौनो ।
सम्बुधन कासारि खन्थाइनि खन्थाइगिरिया मानिनां रुपनाथ बसुमतारी। बिथाङा बिजनि नोगोरनि खोलाहा नदियापारा गामियाव जोनोम मोनदोंमोन। जोनोम लानाय गामियावनो रुपनाथआ फरायनायखौ जागायजेन्नानै उनाव बिजनि बान्धब जौसिन फरायसालिनिफ्राय मेट्रिक आनजाद उथ्रिनानै कटन कलेजनिफ्राय बि. ए. खौ उथ्रियो। बिथाङा बेंतल गोजौसिन फरायसालिनि फोरोंगिरि महरै हाबजेननानै उनाव गोरायुं जानानै जिरोन लाबाय। बिथाङा गाहायै बर' जारिमिननि, खोथाफोरखौ लानानै खन्थाइ आरो रायथाइ लिरो। बिथाङानो दुलाराय बाथौ दोहोरोमारि ग'थुम नि गायसनगिबि आफादगिरि।
खन्थाइनि गुबै राव:
सम्बुधन कासारिआ बर'नि सासे आगोमा बिर जोहोलावमोन। बिनि गुबै मुंङा सोमदोन कसारिमोन। बियो गावनि बर' बिमाखौ जोबोद मोजां मोनोमोन। उदांस्रि सोमावसारनायाव बियो गावनि जिउखौ
बावनानैब्लाबो इंराजनि हेंथायै बिग्रायखांदोंमोन। हादोरनि थाखाय गावनि जिउनि बेसेनखौ एसेसिन साननानै लादोंमोन। बर' बिमाया बेनिखायनो
- बिथांनो मा रावजों मान बावगोन सान्नानै मोनाखैमोन। बै समनिफ्रायनो
- दिनैसिम बिथांखौ रावबो मान बावनो रोङाखै आरो रुजु-रुमुनि राइजो
माइबांखौ फोसाबनो थाखाय मावथि बिर जोनोम जायाखै। बर' बिमाया बेखायनो सोमदोन बादि सोरबाफोर उजिदोंब्ला हाग्रा दुफबनाय कसारि
राइजोखौ फोसाबनों थाखाय सिगांबोनो हांख्रायदों। दाहाल थुंग्रि सिबनो आखा-फांखा सोमदोना बिगुर गोजानि आब्रा बेंनायखौ आथिंजों नेवसिनानै
बर' हारिनि लाहाखि मोखांखौ मिनिस्लुहोनो हादोंमोन। बिग्रायनाय हान्जा दैदेननानै सानसे मेजर बयदखौ गावनि थुंग्रि बख'नानै नायजोर-नायजोर
सुथारदोंमोन आरो बिसोरनि बेंनायखौ लोरबां खालामदोंमोन । बे हाबानि
थाखाय बिथांखौ साबायखर होनो बर' बिमाया राव नागिरनानै मोनाखै ।
सुंथाबै खन्थायगिरिया सोमदोन कसारिखौ जों बर' फिसाखौ बयखौबो गोसो खांफिन्नो खावलायदों ।
सम्बुधन कासारिया सोरमोन ?
सम्बुधन कासारिया बर'नि सासे बिर जोहोलावमोन। बिथां सम्बुधननि बर' मुङा सोमदोन जोहोलावमोन। दानि कासार जिलायाव बिथांनि जोनोमा जादोंमोन। सख्ल' बख्ल' मफ' जांगिला सम्बुधना उन्दैयावनो बिफा थैजायो। अब्लाबो बिमा थेलेबा जोबोर खस्थ'यै खाङै -बायै फेदेरो। उन्दैनिफ्रायनो बियो गिनो रोङि साहस गोनां बोलो गोरामोन। बाथा गेलेनाय, हान्जा जुथिनानै बोरला थिर गावनाय हुदाया सम्बुधननि उन्दैनि आखुमोन ।
देरनानै संसारनि मायायाव हाबनाय लोगो-लोगो जोंनि संसार जानायाव इंराजनि सोबखनाय, सुसिनाय, इनाय अनागारखौ नुनानै बिनि गोसोआ गाबखांनो हमनायसै आरो गोसोजों गोसो राइजो राजाखौ बिसोरनिफ्राय उदां खालामनो थाखाय थिरांथा लानायसै। इंराजनि इनाय अनागारखौ होबथानो थाखाय सम्बुधनआबो सेंग्रा समआवनो गावनि 'देहा मोदोम होसोनानै उदांस्रि सोमावसारनायाव बारसोमनायसै। सानसेखालि सोमावसारग्रा हान्जायाव थांफानानै डाक बांलायाव हाबहैनानै गावनि मासियाव जिरायनानै थानाय इंराजनि सिफ कमिसनारखौ गावनि जानजिनि थुंग्रि बखनानै ब्रे सुथारनायसै । बेनि दायावनो बियो खारखोमाना थानांनायसै। एसेयावबो सम्बुधना जिरायनानै थायाखैमोन। सिरि-सिरि सिखावै हान्जा जुथिनानै दावहा नांनो आदब खायदाफोरखौ फोरोंखुमाबाय थांदोंमोन। सानसेखालिनि बाथ्रा, सम्बुधनआ हान्जाखौ फोरोंखांनानै न'सेनिआव जिरायहैथ' दोंमोन। नाथाय मेगन गोसा न'खरनि मानसिया सिरि-सिरि इंराज फुलिसनो खिन्थाहै-खुमादोंमोन। लोगो-लोगो बिसोरो खारबोनानै सम्बुधनआ जिरायनाय न'नि सोरगिदिं बेंखननानै थानायसै। गावखौ बेंनायखौ मिथिनानैब्लाबो मेगन गोसा इंराजजों हमजानायखौ बिनि गोथार गोसोआ गनायनो हायिलाय मिथिखानानैब्लाबो उनथिंजाय थानाय खिरखिजों बारननानै खारदोंमोन, नाथाय फुलिसनि गुलिया आथिंआव नांनायाव हायाव गोग्लैनायसै । जखम जानाय सम्बुधनखौ खाख्रब-खुख्रब लाबोनानै अन्नाय-खान्नाय गैयि फुलिसफोरा नायजोर-नायजोर बुथारफैनायसै ।
बेबादिनो देहा-मोदोम होसोनानै हादरनि थाखाय, रायजो-राजानि थाखाय खुथार-खुथार नाजानानैब्लाबो सानसे बिर जोहोलाव सम्बुधन कासारिया गावनि जिउखौनो बावलांदोंमोन। बिथांखौ जों अराय गोसोजों गाबज्रिनांगौ आरो सिबिनांगौ।
1️⃣सोमदोन जोहोलावा सोरजों आरो मानो दावहा नांदोंमोन ?
फिन: बिगुर गोजा(इंराज) गुफुरसा(ब्रिटिसफोर) जों दुलाराय भारतखौ बिसोरनि बेंनायनिफ्राय उदां खालामनो थाखाय दावहा नांदोंमोन ।
Comments
Post a Comment